Allegue subliña que a nova medida do Goberno galego únese ás xa en vigor para poñer a disposición vivenda nos concellos pequenos e busca asentar poboación no rural
A Xunta destina un orzamento de 5M€ con carácter bianual a estas axudas con fondos autonómicos, que poderán ser ampliados se a demanda de solicitudes excede esa contía, e a axuda cubrirá ata o 75% das obras
A vivenda rehabilitada ou resultante por cambio de uso deberá destinarse a domicilio habitual e permanente, ben do seu propietario ou en alugueiro durante un mínimo de 5 anos
Tras a publicación da convocatoria hoxe no Diario Oficial de Galicia, o vindeiro día 21 abrirase o prazo de solicitudes, que rematará o 1 de setembro ou no momento de esgotamento do crédito orzamentario