A Sociedade de Vivenda Pública de Galicia ten como obxecto social a realización das actividades dirixidas á promoción e xestión de vivenda con destino a venda ou alugueiro, así como á promoción de solo residencial no territorio da Comunidade Autónoma de Galicia. O desenvolvemento destas actividades ten por finalidade garantir a utilización do solo de acordo co interese xeral e dotar á comunidade autónoma de solo para a construción de vivendas dignas e adecuadas, especialmente, aos sectores con menos capacidade económica, actuando como elemento de regulación do mercado inmobiliario e de mellora da calidade ambiental.
Inclúense nestas actividades as seguintes:
- Promoción de vivenda mediante a correspondente acción edificatoria ou de rehabilitación destinada a albergar vivendas, incluídas vivendas suxeitas a calquera réxime de protección pública.
- Desenvolvemento de solo residencial mediante a correspondente acción urbanizadora precisa para a execución do planeamento urbanístico.
- Adquisición, por calquera título, de terreos destinados á formación de reservas de solo, preparación de soares, dotacións e equipamentos, fomento da vivenda ou calquera outra finalidade análoga de carácter urbanístico.
- Adquisición, arrendamento, alleamento e permuta de bens inmobles.
- A promoción e xestión de actuacións en materia de vivenda e solo que se desenvolvan directamente pola propia sociedade ou en colaboración con outras administración públicas competentes ou con entidades privadas, de acordo coa normativa vixente.
- No desenvolvemento dos seus fins, poderá levar a cabo cantas actuacións considere convenientes en relación coa elaboración de estudos, redacción de proxectos e plans de ordenación, execución de obras, adquisición, comercialización, permuta e alleamento a título oneroso de solo, equipamento e vivendas, constitución de dereitos reais e gravames sobre bens, xestión e explotación de obras e servizos e calquera outra que considere necesarias cos límites establecidos pola lexislación aplicable da Comunidade Autónoma de Galicia e polo resto do ordenamento xurídico.
CONSELLO DE ADMINISTRACIÓN
PRESIDENTA:
- Dona María Martínez Allegue, Conselleira de Vivenda e Planificación de Infraestruturas.
VICEPRESIDENTE:
- Don Heriberto García Puerto, Secretario Xeral de Vivenda e Urbanismo e Director Xeral do IGVS.
VOCALES:
- Don Ricardo Valencia Hentschel, Director Técnico de Construccións e Calidade do IGVS.
- Doña María Ángeles Dominguez Franjo, Secretaria Xeral do IGVS.
- Don Joaquín San Martín Zamacola , Director Técnico de solo residencial do IGVS
- Don José María Barreiro Díaz, Director Xeneral de simplificación administrativa e do patrimonio.
- Dona Sonia Lafont Sendino, Directora da ATRIGA.