O novo barrio, no que se prevén 4.397 vivendas, 3.521 delas protexidas, deséñase como un espazo urbano dinámico co eixo central do gran Parque de Monte Mero, que conformará un fito paisaxístico e visual sobre a entrada á Ría do Burgo na cidade
Prevese unha gran rede de zonas verdes, coa previsión de 4.300 árbores, que envolverán a ordenación xeral proposta, que contará con itinerarios sostibles, peonís e ciclistas para favorecer a conectividade no sector
Está prevista a creación de máis de mil prazas de aparcamento
Trala publicación hoxe no Diario Oficial de Galicia da aprobación inicial, ábrese un prazo de información pública durante quince días e prevese a aprobación definitiva do PIA neste ano
A Xunta prevé licitar a urbanización do ámbito no vindeiro ano 2027