“Galicia non está de acordo con este plan, pero temos que aceptalo porque non podemos detraer fondos que son necesarios para as comunidades autónomas”, sinalou a conselleira
Lembrou que o Plan tiña que estar operativo o 1 de xaneiro e a demora impide ás autonomías a convocatoria de axudas fundamentais como as dirixidas a comunidades de propietarios, de alugueiro ou destinadas a promotores
Recordou que o Plan impón ás comunidades unha cofinanciación obrigatoria do 40% e mentres Galicia ten que quintuplicar a aportación, o Estado só a duplica
Criticou o financiamento insuficiente, pois “para construción de vivenda protexida, as axudas só alcanzan para arredor de 600 vivendas ao ano, o que resulta irrisorio”
A conselleira reclamou tamén na Conferencia que se aplique un IVE superreducido, do 4%, para a adquisición de vivenda protexida