Allegue avanzou que o luns se licitará nun mesmo contrato a redacción do proxecto, a dirección e a execución das obras destes novos fogares, por un orzamento de 3,5M€
A licitación primará o uso de técnicas industrializadas na construción do inmoble, un sistema polo que a Xunta aposta porque acurta tempos e é máis sostible e seguro
Esta cesión de solo súmase a outra asinada o ano pasado co Concello de Lalín para construír 17 vivendas públicas, cuxas obras están adxudicadas e comezarán en breve
A conselleira agradeceu ao Concello a súa cooperación coa cesión gratuita de parcelas, pois permitirá ao Goberno galego construír un total de 32 fogares en Lalín, que serán unha realidade no ano 2028
Lembrou que estes fogares se destinarán ás persoas inscritas no Rexistro de Demandantes de Vivenda, que estean empadroadas ou traballen no concello de Lalín