A Estratexia Galega de Solo Residencial busca transformar ámbitos previstos no planeamento e paralizados durante anos en solo preparado para construír vivenda accesible e dar resposta para as persoas e familias que buscan un fogar a un prezo asumible
García Porto sinala que sete dos 13 proxectos de interese autonómico xa contan con aprobación inicial e a previsión é licitar as obras de urbanización en 2027
Salienta que a Xunta leva celebradas 78 reunións con propietarios e persoas afectadas e ofrece solucións individualizadas para compatibilizar o interese xeral cos seus dereitos
Advertiu da necesidade de colaboración no desenvolvemento dos PIA dos concellos, propietarios, promotores e Xunta, así como maior axilidade e coordinación administrativa
Incide nas demoras na emisión de informes sectoriais estatais necesarios para avanzar na tramitación dalgúns ámbitos, entre eles os relacionados con Estradas e confederacións hidrográficas