García Porto cualifica de “caso de éxito rotundo” o traballo que está a realizar a sociedade, tras licitar estes proxectos de vivenda, das que 1.641 construiranse en solo da Xunta, 837 en parcelas cedidas polos concellos e 16 proceden da transformación de locais en vivendas
Sinala que a día de hoxe, 1.940 destas vivendas xa teñen proxecto adxudicado e parte delas xa teñen licitado ou adxudicado o contrato de obra
Precisa que actualmente están en licitación tres promocións con 174 vivendas e un investimento próximo aos 28 M€, prevéndose licitar ao longo deste ano 1.885 vivendas en 21 concellos cun investimento global superior aos 356 M€
Incide en como a suma de actuacións de Vipugal e do IGVS posibilitará licitar 2.688 vivendas por preto de 500 M€, polo que Xunta poderá ter arredor de 3.500 vivendas públicas rematadas ou en obras a finais de ano entre ambas entidades
Pon o foco nos avances de Vipugal fronte a empresa pública estatal Casa 47, anunciada en 2024, que apenas ofrece 171 vivendas en alugueiro en toda España, das que 67 están en Vigo, con prezos superiores á media e requisitos económicos elevados