Rueda explica que o prazo para solicitar esta achega de 250 € ao mes abrirase o vindeiro día 28 de febreiro e estenderase ata o 28 de marzo
Ademais de ser menor de 36 anos no momento de pedila, as persoas beneficiarias deberán dispor dunha fonte regular de ingresos e acreditar que estes non superan 3 veces o IPREM
A Xunta lamenta a tardanza na transferencia estatal do crédito desta convocatoria, que ademais é insuficiente, tendo en conta que se corresponde coa metade do asignado en 2022, é dicir, tan só 5,7 M€ cada exercicio
A liberación dos novos fondos fai posible que a Xunta lance agora esta convocatoria de axudas, con 11,4 M€ que corresponden á nova achega estatal, e complementa estes fondos a Xunta coa achega de algo máis de 1,5 M€