Allegue destaca o obxectivo da Xunta de impulsar un novo instrumento de planificación integral, que reforzará as actuacións máis efectivas do período anterior e incorpora novas medidas adaptadas á realidade actual do mercado residencial
Avanza que o II Pacto estrutúrase en catro liñas estratéxicas (Acceso á vivenda, rehabilitación, rexeneración e renovación urbanas, solo residencial e outras medidas en materia de vivenda) e un anexo dunha clara aposta pola creación de vivenda protexida, a rehabilitación e o apoio aos colectivos con maiores dificultades de acceso, especialmente a mocidade
Explica que o novo documento incorporará medidas valentes para incentivar ao sector na construción de vivenda protexida, simplificar trámites administrativos, mobilizar vivenda baleira e reforzar a cooperación institucional
Incide na vocación de afondar un modelo residencial sostible, inclusivo e equilibrado, que contribúa ao asentamento poboacional, á cohesión territorial e á mellora da calidade de vida da cidadanía galega. Trátase de consolidar Galicia como referente das políticas públicas en materia de vivenda, “seguindo a nosa estela de Galicia Calidade”