Estas axudas, con financiamento integramente autonómico e cuxo prazo se abriu en abril, teñen como fin facilitar o acceso da cidadanía a un fogar
As achegas, no caso das vivendas situadas na Coruña, Ferrol, Santiago, Lugo, Ourense, Pontevedra e Vigo, poden acadar 20.000€, se son adquiridas por persoas menores de 36 anos, e ata 16.000€ se os compradores son de 36 ou máis anos
No caso dos restantes municipios, a axuda é de ata 16.000€ para menores de 36 anos, e ata 12.000€ para vivendas adquiridas por persoas de 36 ou máis anos
Allegue lembrou que na vindeira convocatoria do Aval Mozo se vai elevar os 45 anos a idade máxima para beneficiarse dos avais do 20% para mercar a primeira vivenda
Subliñou o compromiso coa mocidade, coa reserva do 30% das vivendas públicas para compra por persoas de entre 36 e 45 anos, con fillos, e o 25% para menores de 36
Recordou que a Xunta solicitou ao Goberno central que o IVE da vivenda protexida, de igual xeito que o da pública, se rebaixe ao 4%, co fin de contribuír á compra dun fogar