Debido ao retraso de 8 meses na transferencia dos fondos do Plan Estatal de Vivenda, a Xunta non puido convocar aínda as axudas desta anualidade, de xeito que publicará a convocatoria a finais de ano, por anticipado de gasto, para abrir o prazo de solicitudes en xaneiro do 2027, pero terán carácter retroactivo
A conselleira lembrou que estas axudas están destinadas á rehabilitación de edificios, vivendas unifamiliares e actuacións dentro de vivendas situadas en edificios e serán subvencionables as obras iniciadas neste 2026 e o único requisito será que non estean finalizadas no momento da convocatoria
As achegas para accesibilidade, seguridade e habitabilidade poderán solicitarse de xeito acumulativo, de xeito que poderán alcanzar os 49.000€ por vivenda