José González pon en valor o bo momento que atravesa o mercado laboral da provincia de Ourense, con 13.453 persoas no paro, o mellor maio desde que hai rexistros, e 109.185 cotizantes, o maior número neste mes desde 2008
Para consolidar esta evolución, destaca o compromiso da Xunta de seguir acompañando o tecido produtivo e a entidades como a CEO nos retos que afrontan, entre eles a formación, a cobertura de vacantes ou a mellora do benestar laboral
No relativo á atracción de talento, salienta a convocatoria conxunta das consellerías de Emprego e Vivenda que (1,5 M€) busca poñer a disposición de persoas contratadas en Galicia vivendas situadas en concellos de menos de 20.000 habitantes
Destaca que esta semana viaxará ao Brasil para participar na nova edición das feiras de emprego no exterior os días 6 e 8 en São Paulo e Salvador de Bahía para dar a coñecer as oportunidades de retorno e ferramentas como Retorna Cualifica Emprego
No ámbito comercial, destaca a boa acollida da Bonos Activa Comercio, con preto de 170.000 euros mobilizados en Ourense, e o protocolo asinado entre a Consellería e a Deputación para impulsar a renovación das prazas de abastos da provincia