José González salienta a convocatoria conxunta das consellerías de Emprego e Vivenda que, cun orzamento inicial de 1,5 M€, busca poñer a disposición de persoas contratadas en Galicia vivendas situadas en concellos de menos de 20.000 habitantes
Poden recibir axudas para rehabilitar vivendas unifamiliares ou edificios residenciais os propietarios, usufrutuarios ou cesionarios dos inmobles por un mínimo de 10 anos, tanto as empresas como persoas físicas ou xurídicas e concellos que pacten con elas
Ademais, ao puntuar as solicitudes teranse en conta tamén cuestións como que as persoas destinatarias finais traballen nun sector estratéxico, a distancia da vivenda co centro de traballo, a demografía do municipio ou a sostibilidade da rehabilitación
Na potenciación do mercado laboral interno, o titular de Emprego salienta a aposta galega por unha formación á carta do tecido empresarial con ordes como os Bonos Talento Empresa, que poderán solicitarse a partir do próximo 2 de xuño
Dentro da atracción de talento e dunha inmigración controlada, segura e eficaz vinculada á demanda das empresas, insiste no traspaso das competencias das autorizacións iniciais de traballo de estranxeiros por parte do Goberno central