O proxecto ganador, “LUCUS350” está asinado por José Jorge Santos, José Carlos Mera, Javier Barcos e Manuel Enríquez, e contempla a rehabilitación de catro inmobles nas rúas Miño e Falcón que permitirán 6 vivendas e outras 10 de nova construción nesta contorna
As propostas “MEMOR145” e “CAMEL105” acadaron o segundo e o terceiro galardón no concurso de proxectos convocado pola Xunta para a posta en valor desta zona do barrio lucense da Tinería
A conselleira de Vivenda e Planificación de Infraestruturas subliña que as actuacións previstas, con espazos para a cidadanía e a creación de nova vivenda “marcarán un antes e un despois en Lugo, convertendo o barrio da Tinería nun novo símbolo da cidade”
O investimento previsto nas intervencións acadará preto de 7M€
A previsión da Administración autonómica é que no vindeiro verán se aprobe definitivamente o Plan Especial para o desenvolvemento do ámbito