É o primeiro destes inmobles que o Goberno galego construirá en Galicia para ofrecer unha solución habitacional ás necesidades transitorias de residencia da mocidade
O importe de licitación deste contrato acada os 322.132€
O edificio construirase nunha parcela na avenida Xoán XXIII, a carón da biblioteca Ánxel Casal e a previsión é que albergue en torno a 60 vivendas de 1 ou 2 dormitorios, con baño e zona de salón, comedor e cociña, ademais de espazos comúns destinados ao traballo e lecer, zona de lavandería e cuartos de limpeza
Os mozos poderán permanecer ata tres anos en réxime de alugueiro accesible