A Consellería de Vivenda e Planificación de Infraestruturas vén de publicar no portal de transparencia da Xunta o proxecto de decreto polo que se regulan as ECCOM na Comunidade Autónoma de Galicia e o seu rexistro
Esta publicación dá cabida á participación cidadá na tramitación da norma, xa que permite que aquelas persoas que estean interesadas poidan formular cantas suxestións e alegacións consideren oportunas, con prazo ata o 10 de abril
A nova norma busca regular de forma integral o réxime xurídico de todas as ECCOM, co obxectivo de dar seguridade xurídica, tanto aos particulares que soliciten os servizos das ECCOM, como aos concellos
O futuro decreto modificará o actual réxime de actuación das ECCOM, de xeito que no caso de que interveñan estas entidades, o seu certificado teña a mesma validez e efectos que os informes técnicos municipais, que se entenderían substituídos por dita certificación
A posta en marcha do novo decreto é consecuencia das modificacións incluídas na lei de medidas fiscais e administrativas, de acompañamento dos orzamentos, co obxectivo de desburocratizar trámites para axilizar a construción de vivenda