Allegue detallou que ata hoxe se rexistraron 10 peticións de axudas: 6 en Vilamartín de Valdeorras, 2 en Petín, 1 en Cualedro e 1 en Quiroga; e máis de medio centenar de persoas solicitaron información das mesmas
A conselleira, que se achegou en Vilamartín de Valdeorras a unha das 16 oficinas habilitadas pola Xunta para asesorar aos afectados, lembrou que as achegas da Xunta poden acadar case 150.000€ no caso de vivendas habituais
Animou a solicitar estas axudas e trasladou o compromiso da Xunta para resolvelas coa maior celeridade, o que permitirá iniciar canto antes as reconstrucións dos fogares
Recordou que o Goberno galego tamén asumirá o 100% do alugueiro temporal, se é preciso e achegará ata 600€ máis para sufragar gastos derivados desta situación