Explicou que a Xunta, a través deste Proxecto de Interese Autonómico desenvolverá solo para poder construír arredor de 2.010 vivendas, das que a meirande parte serán protexidas
Subliñou “o obxectivo de facilitar o acceso á vivenda, que máis mozos poidan emanciparse e que máis familias poidan desenvolver o seu proxecto de vida en Pontevedra”
Destacou a interlocución da Xunta cos afectados do PIA de San Mauro, con 10 reunións e 2 máis hoxe mesmo, nas que se escoitan as demandas individuais e se presta asesoramento
Lembrou que os afectados poden optar polo realoxo en vivenda de reemprazo, polo prezo xusto ou por adquirir unha nova parcela para construír a vivenda, incluso polo propio IGVS
Aclarou que o xusto prezo do solo non o decide a Xunta, senón que se calcula conforme á normativa estatal de obrigado cumprimento para as comunidades
Detallou que no caso das vivendas se valorará a prezo de mercado aplicando un coeficiente redutor pola antigüidade, uns datos que hoxe coñeceron algúns dos afectados
Este PIA é un dos 13 enmarcados na Estratexia Galega de Solo Residencial para urbanizar solo onde construír 25.000 vivendas, das que 20.000 serán protexidas