A conselleira pon en valor o talento e “a excepcional calidade da arquitectura galega, froito do traballo, da reflexión e da sensibilidade, que deseña espazos para contribuír a mellorar a vida das persoas e fortalecer a comunidade” e subliña a colaboración co sector na construción de vivenda pública
Allegue emprazou ao sector a aproveitar este momento de intensa actividade licitadora para “posicionar a Galicia como exemplo dunha vivenda pública integral, moderna e respectuosa coas persoas que habitan e tamén coa súa contorna”
A UTE formada polos estudos Peris-Toral Arquitectes SCPP e Creus e Carrasco arquitectos SLP obtivo o primeiro premio co proxecto “24CRUCES”, para construír os inmobles nas parcelas AR3 e AR6 do solo cedido polo Concello
O segundo premio recaeu en Marina Sabela Jordan de la Peña por “Limiar00” para as promocións das parcelas AR4 e AR5, e o terceiro no equipo formado por Begoña Fernández-Shaw Zulueta, Carlos Rebolo Maderuelo e Alejandro Caraballo Llorente para o inmoble da parcela AR8 coa súa proposta “TRAMA26”
Os accésit foron para os proxectos “EN COMUNID4DE”, de Javier Couto Granja; “MUTABL3”, a cargo de Gabriel Alarcón Sabarís e Inmaculada Hervés González e “1 Comunidade flexible e permeable”, a cargo de Manuel Jesús Pallas Rodríguez e María Alonso Mosquera