Destaca que esta medida se enmarca na aposta da Xunta “pola simplificación administrativa nun tema tan sensible como a vivenda”
A futura normativa da resposta a unha demanda de promotores, profesionais e cidadanía
A conselleira de Vivenda e Planificación de Infraestruturas salienta que o decreto permitirá “axilizar, simplificar e reducir os prazos” no eido da vivenda “garantindo a seguridade xurídica”
O decreto modificará o actual réxime de actuación das ECCOM, e o seu certificado terá a mesma validez e efectos que os informes xurídicos técnicos e municipais, que se entenderán substituídos por dita certificación
A Consellería de Vivenda e Planificación de Infraestruturas asumirá as funcións relativas á autorización e rexistro de todas as ECCOM, no marco das súas competencias en materia de urbanismo
O proxecto de decreto polo que se regulan as ECCOM e o seu rexistro consta de 51 artigos estruturados en cinco capítulos, completando a mesma unha disposición adicional, unha transitoria, unha derogatoria e dúas disposicións finais