Descripción da obra:

O edificio contará con dous bloques continuos diferenciados de altura (de 4 e 5 plantas), ambos con cuberta plana, cumprindo coa continuidade das liñas de cornixa establecida na ordenación do plan parcial.

A composición das fachadas corresponde a criterios de ordenación e funcionalidade das vivendas, achegando dinamismo a un volume rotundo para lograr proxectar as 49 vivendas propostas: rompe a planitude dos cerramentos con entrantes e saíntes nas fachadas sureste e suroeste.

Distribución e usos:

Nas plantas baixas os soportais ordenados pola planificación do polígono xeran espazos porticados continuos ao longo das rúas peatonais que serven de acceso ás vivendas.

A altura do edificio é de catro e cinco plantas, cunha planta soto baixo rasante.

Os usos previstos distribúense por plantas, dispóndose os garaxes e rochos na planta soto, as vivendas nas plantas superiores e reservando os espazos de planta baixa para rochos e outros usos comerciais distintos dos residenciais.

A característica esencial do edificio é a dobre orientación que ofrece: ao patio e ao espazo público. A proposta traslada esta característica esencial ás vivendas, proxectando todas as vivendas da parcela con dobre orientación. 

	2 DORMITORIOS	3 DORMITORIOS	3 DORMITORIOS ADAPTADA	4 DORMITORIOS	TOTAL
Nº VIVENDAS	24	20	3	2	48
SUPERFICIE ÚTIL	71,92 / 62	88,09 / 82,76	89,18	101,86