A conselleira de Vivenda e Planificación de Infraestruturas destaca que Galicia está diante ”dunha oportunidade histórica para escalar nesta industrialización do sector da edificación, superar obstáculos coma a escaseza de man de obra e consolidar un novo modelo construtivo”
O arquitecto austríaco Hermann Kaufmann destacou a construción industrializada como clave de futuro, diante da necesidade de modernizar as técnicas construtivas “e acadar unha arquitectura sostible, porque este e un sector que non está a ser atractivo para a mocidade”
O presidente do Clúster da Construción de Galicia, Diego Vázquez Reino, incidiu na necesaria transformación do sector cara á industrialización, na que resulta “fundamental a colaboración público-privada”
A xornada finalizou cunha mesa redonda que afondou nas necesarias sinerxías público-privadas para impulsar as técnicas industrializadas a fin de propiciar un “cambio tranquilo, pero decidido no sector”